"I'M so sorry, sana maintindihan mo ako," si Zaida iyon kinabukasan na dinalaw siya ni Henry kasama ang dalaga.
Mapait na napangiti si Portia. "W-Wala ka namang kasalanan eh."
Iyon naman talaga ang totoo, walang kasalanan si Zaida dahil pinakiusapan lang naman ito ni Vincent na manahimik tungkol sa lahat ng nalalaman nito.
Noon ginagap ng kapatid niya ang kaniyang palad saka iyon marahan na pinisil. "Pero masaya akong malaman na ikaw pala ang kapatid ko na sinasabi sa akin ni Papa noon pa. Iyon siguro ang dahilan kung bakit napakagaan ng loob ko sa'yo, totoo pala ang lukso ng dugo," anitong nangingislap ang mga mata habang nakatitig sa kaniya.
Ngumiti siya. "I'm sorry kung parang hindi obvious na masaya akong makilala at malaman ang tungkol sa pagiging magkapatid nating dalawa. Masyado
