"SA tingin mo ba ito ang makabubuti sa ating dalawa? Hindi mo ba talaga ako kayang patawarin sa ginawa ko?" matapos isuot ni Portia ang huling saplot sa kaniyang katawan ay iyon ang narinig niyang itinanong sa kaniya ni Vincent na katulad niya ay bihis narin.
"Sa tingin ko," sagot niyang hindi ito matingnan ng tuwid sa mga mata.
Alam naman niya kung anong damdamin ang makikita niya sa mga iyon at siguradong mas masasaktan lang siya.
"Pero mahal mo ako, hindi ba? Iyon ang narinig kong sinabi mo kanina," sa dalawang malalaking hakbang ay nagawa siyang daluhan ni Vincent. Lumuhod ito sa harapan niya saka mahigpit na ginagap ang dalawa niyang kamay.
Sa pagkakataong ito ay naramdaman na ni Portia ang pag-iinit ng parehong sulok ng kaniyang mga mata. Pero gaano man ang paghahangad niyang p
