MABILIS na namasa ang mga mata ni Portia dahil sa daloy ng mga alaala. Agad siyang kumilos at saka pinahid ang kaniyang mga luha. Hindi niya gustong datnan siya ni Vincent kaya minabuti niyang umalis narin kaagad.
Nasa kotse na siya nang muling bumalong ang kaniyang mga luha.
Kahit yata napakalaki ng naging kasalanan sa kaniya ng asawa niya ay talagang mahal parin niya ito. At ang gagawin niyang paglayo ay nangangahulugan narin ng tuluyang niyang pagpatay sa kalahati ng puso niya na madadala niya habang ang kalahati ay alam niyang maiiwan kay Vincent.
Noon niya minabuting tawagan na ito para makausap.
Alam niyang masasaktan siya at alam niyang pipigilan siya nito pero kahit ano pang sabihin ni Vincent isa lang ang alam niya, nasasaktan siya at hindi niya alam kung hanggang kailan siya
