Dumaan pa ang ilang mga araw at marami pang pasyente ang dinala sa kinaroroonang kwarto ko. Pero lahat sila ay humantong lang din sa kamatayan sa kanilang ikatlong araw.
Unti unti tuloy bumigat ang damdamin ko sa ilang ulit na pangyayaring ito. Idagdag pa na nakikita ko ng paulit ulit ang grupo ng mga kalalakihan na kumukuha ng kanilang mga labi.
Tuwing mangyayari kasi iyon ay binibigyan nila ako ng kakaibang tingin. Para bang sinasabi nila na inaantay nila ang sandali na ako naman ang susunduin nila.
Kaya namuo sa isipan ko na ang kanilang mga katauhan ay nagsisilbing tagasundo ni kamatayan... Kulang na lang yata ay magdala sila ng mga mahabang karet tuwing kukuha ng mga labi.
Napailing ako ng ulo dahil sa naiisip kong kalokohan. Pagkatapos biglang mahigpit na niyakap ko sa aking mg
