HAYUN na naman si Brad sa tingin na iyon na para bang may alam ito tungkol kay Ted na hindi niya alam kung ano. Nagtagis ang mga bagang ni Ted. Mas naiinis siya sa sarili niya na naapektuhan siya nito kahit matagal na panahon na ang lumipas. Hindi rin niya gusto ang pahaging nito na magkasama lang ito at si Anje kanina. Lalo na ang kumpiyansang ngiti nito habang nakatingin sa kanya. Dahil hindi sinabi sa kanya ni Anje na magkasama ang mga ito. At kahit alam niyang walang dahilan ay nainis pa rin siya roon.
“Paalis na ba kayo? Or are you still going somewhere?” tanong ni Brad na kay Anje na nakatingin ngayon.
“I was just about to drive her home now,” sagot niya.
“Right. Sa hotel na ito naka-check in si Ted habang nandito siya sa New York. How about you, Brad?” singit ni Anje sa masiglan
