Chapter 18
Ayokong maniwala sa narinig ko, pero sino ba ang pinagloloko ko? I heard it loud and clear. Niloloko ba niya si Daddy? Kailan? Bakit? Iyan ang mga katanongan na nasa isipan ko. Dala parin ang suliranin na iyon nang makabalik ako. Muntik na akong atakehin nang may nagsalita. Napatingin ako sa direksyon nilang lahat. "Oh, ba't hindi mo kasama si Carmen? Mainit parin ba ang ulo niyon?" Tanong ni Lola sa akin. Napalunok ako nang ilang beses. Parang gusto ko isumbong itong nalalaman ko sa kanila pero mas pinili ko na lang na tumahimik. Baka kasi mali lang ako nang iniisip. Tama.
Bumalik muna ako sa kinauupuan. "Ah, mayroon po kasi siyang kausap eh. Importante ata." Sagot ko lang.
"Tsk. Pareho lang talaga sila nitong si Alfredo. Puro trabaho ang inaatupag!" Yamot na sabi ni Lolo.
