Nagising ako sa hindi pamilyar na lugar pero nandito pa rin ako at nakasakay sa bus pero nakahinto na ‘to sa terminal kaya naman tumayo na ako bitbit ang bag ko saka ako lumabas ng bus dahil mga nakatayo na rin ang ibang mga pasahero kaya sumunod ako sa kanila. Hindi ko alam kung saan ako pupunta ngayon at ang dami ko pang dalang gamit kaya naman naglakad ako papunta sa may waiting shed dito sa terminal at naupo muna dito. Ang una ko dapat gawin ay maghanap ng bahay na matitirahan ko bago pa dumilim dahil hapon na. Ilang oras din ang naging byahe ko papunta dito at sana lang ay hindi ako mahanap ng mga magulang ko dito sa lugar na ‘to. Malayo na ‘to sa Maynila at hindi naman siguro nila maiisip na dito ako pupunta dahil malayong lugar na ‘to at wala kaming kahit anong negosyo dito o proper
