Pagkatapos naming kumain ay sinamahan ako nina nay Lourdes at tay Isko sa likod bahay para makita ko ang bahay na tutuluyan ko na sinasabi nila. Maaga pa naman kasi saka may ilaw naman kaya makikita ko ang bahay na titirahan ko simula sa mga susunod na araw na pamamalagi ko dito. Magbabayad na lang ako ng upa sa kanila tulad ng napagkasunduan namin kanina. Nakakahiya naman kasi kung dito ako sa kanila nakatira saka gusto ko rin naman kasi ng may privacy ako kahit paano. Ang hirap naman kasi na makikitira lang ako sa bahay nial saka hindi pa naman namin kilala masyado ang isa’t-isa. Nahihiya ako sa kanila, hindi naman matapang ang mukha ko at hindi naman ako walang hiya na papayag na lang sa gusto nilang makitira ako. May sarili silang buhay at ako rin naman. Napakabait nga nila sa akin kah
