Ngayon ang araw ng paglipat ko sa unit ko at ako lang mag isa ang lilipat dahil hindi na sumama sa akin sina abuela. Iyon na ang napagkasunduan naming kagabi at hindi na ako kumontra pa dahil kapag kumontra ako baka umalis na sila agad. Mabuti nga ay napakiusapan ko pa sila na manatili pa dito kahit ilang linggo lang bago sila bumalik ng US. Ang dahilan lang pala kasi ng pag-uwi nila ay ang pagbigay sa akin ng unit na ‘to at ang pagpayag kong pag alis sa bahay namin. Sa huling beses ay inilibot ko ang paningin ko sa kwarto ko at napabuntong hininga na lang, panigurado na matagal na ulit akong makakabalik dito para matulog. Lumabas na ako ng kwarto ko pagkatapos ‘non at bumaba na sa baba, dala-dala ang mga gamit ko na dadalin ko sa unit ko. Pagbaba ko sa baba ay wala akong naabutan kahit na
