Napailing na lang ako ng makita ko ang itsura ng mga kaibigan ko ngayon. Parehas silang lasing dahil ginawa nilang tubig ang alak kagabi at ngayon para silang walang buhay na nakahiga sa kama. Mabuti na lang at hindi ko sila sinabayan na dalawa. Wala naman kasi akong mapapala kung sasabay ako sa kanilang uminom saka kahit naman sumabay ako mas mataas ang alcohol tolerance ko kumpara sa kanilang dalawa at hindi ako basta-basta nalalasing. Para kasing kagabi lang mga nakakita ng alak kahit na halos gabi-gabi naman silang nasa bar lalo na ‘tong si Zeus dahil kanya ‘yon. Iniwan ko na lang silang dalawa ‘don at naghanap ako ng kape sa kusina ni Luis pero puro alak lang ang nakita ko at wala na akong aasahan sa kanya pagdating sa ganitong bagay. Napailing na lang ako at lumabas na ng unit ni Lui
