NAGULAT ako nang makita ang maids quarter na para sa akin. Tulad ng mga kwarto ng maids namin sa mansion ay may air-conditioning din. Mas maganda nga lang ang kwarto na ito kaysa kwarto ng mga maids doon sa amin.
"Dito ang kwarto mo, hija. Ano nga ulit ang pangalan mo?"
"Aurelia po," sagot ko rito. Dahan-dahan kong tinanggal ang suot kong shades. Hindi nakaligtas sa aking paningin ang gulat sa anyo nito. Awtomatikong kumabog ang aking dibdib.
"Bakit po?" tanong ko rito.
"Ka-ganda mo palang bata?" Naramdaman ko kaagad ang pamumula ng aking pisngi.
"Hindi naman po," nahihiyang sagot ko rito.
"Alam mo hija may kamukha ka, hindi ko lang tanda kung sino 'yon." Pinagmasdan ko ang anyo ng mayordoma na tila pilit pang inalala kung sino ang kamukha ko.
"Magpahinga na po ako," ani ko rito.
