Chapter 9 " THE SHADOWS "
1235 Words
Naalimpungatan si Lyndon sa may katagalan din niyang pagninilay nilay ng bigla siyang makarinig ng malakas na katok sa may pintuan na kanyang kinalalagyan. Napabalikwas siya at agad na binuksan ang pintuan.
" s**t ano ba naman yan! marami namang bakanteng CR bakit dito..." natigilan si Lyndon ng mapansin niyang wala namang tao sa loob. Nangalisag ang kanyang balahibo ng maramdaman niyang wala namang ibang tao maliban sa kanya.Binuksan niya isa isa ang apat na nakaawang na pintuan ng CR para alamin kung may gustong magbiro sa kanya pero walang tao.
Napailing si Lyndon at nasabi niya sa sarili na mukhang naghahalucinate na siya dulot ng m*******a. Napapangiti pa siya ng matiyak niyang nagiisa lamang talaga siya sa loob. Dumiretso siya sa may lababo upang maghilamos para maibsan ang kanyang tama sa alak at m*******a. Hindi rin niya tiyak kung ilang minuto na siyang naroon sa loob ng comfort room kung kaya't naisipan niyang lumabas narin para puntahan ang kanyang kasamahan at nasa aktong lalabas ng siya ng makarinig siya ng ingay sa pinanggalingan niyang cubicle na parang may nag flush sa bowl na kanyang inupuan kanina. Nahintakutan siya at hindi na nagawang suriin pa kung may ibang tao doon na gusto siyang takutin.
" Hey Lyndon! bakit antagal mo sa CR kanina ka pa namin hinihintay medyo gumagabi na baka gusto mo nang umuwi tayo." Si Necy at halatang gusto ng umuwi at baka abutan siya ng curfew hour sa boarding house na kanyang nirerentahan.
" Well, kung gusto niyo nang umuwi puwede naman pero ako magpapaiwan muna ako tutal naman ay sabado bukas at walang pasok." saad ni Lyndon. Nagyaya narin sina Shiela at Ruth na umuwi pati sina Necy at Elmer ay gayundin. Nagpaiwan naman sina Felmer, Dandred at Inez, samantalang si Christian ay sumabay na lamang kina Shiela at Ruth.
" So paano Lyndon mauna na kami sa inyo kita kits nalang tayo sa Monday." sabi ni Ruth.
" Sige magiingat kayo, Ikaw Inez hindi ka ba makikisabay sa kanila? baka matagalan pa kami dito at mainip ka sa paghihintay. " medyo nagdalawang isip si Inez kung magi stay pa ba siya doon o kung kanino siya makikisabay kina Shiela o kina Necy.
" Oh sige makikisabay nalang ako kina Shiela." tugon nito kay Lyndon. Nagkatinginan pa sina Necy at Shiela.
" okay guys ingat nalang kayo sa paguwi basta diretso na sa bahay ha huwag na kayong pumunta sa mga paliko diyan dahil baka ma wrong turn pa kayo at maligaw hehe." muling sumilay ang pilyong ngiti sa mukha ni Lyndon at kumindat pa kay Inez.
" Opo Father Lyndon " sagot naman ni Christian. Mga ilang minuto matapos makaalis ang anim na member ng FC ay mas naging seryoso ang naging paguusap ng tatlo. Noong umpisa ay hindi gaanong maintindihan ni Dandred ang tema ng usapan ng dalawa pero ng ilabas na ni Felmer ang laman ng kanyang dalang bag ay saka pa lamang nito na gets ang essence ng kanilang paguusap.
" Holy molly, saan galing ang mga yan bakit may dala kang ganyan Felmer naku baka may makakita sa atin niyan malilintikan tayo." nagaalalang nasabi ni Dandred.Nasa harap nila ang isang balot ng tuyong dahon ng m*******a.
" Marami nito sa Isla Dandred, doon sa pinuntahan nating beach kung saan nawala si Ibarra. May nakatago doon na plantasyon ng marijuana." seryosong sabi ni Felmer. Inilabas naman ni Lyndon ang ilang piraso ng ginawa niyang stick ng m*******a na nilagyan niya ng filter at label ng isang branded na sigarilyo, at saka iniabot iyon kay Dandred.
" Oh tikman mo para hindi ka mag mukhang ignorante diyan, tamang trip lang dude, sa ibang mga bansa ang pagkakaalam ko ay hindi ito direktang ipinagbabawal, dito lang yata sa atin ang mahigpit pero nungka dami mga kurap na mga pulis na kunwa nanghuhuli pero sila rin ang nakikinabang." pahayag ni Lyndon. Unang nagsindi si Lyndon at sumunod din si Felmer.
" Sige na Dandred subukan mo, hay naku nursing student tayo kaya dapat nating maranasan ang pakiramdam kung ano ang tama ng ipinagbabawal na damong ito. " napilitan si Dandred na kunin ang isa at sinindihan iyon ni Felmer. Sabay sabay nilang ninamnam ang damong ipinagbabawal hanggang sa magsimula silang makaramdam ng kakaibang sensasyon sa kanilang katawan. Nagiging high na ang tatlo at mas naging agrisibo ang bawat isa sa kanila.
" Alam niyo 'pre, nagtataka talaga ako kung papaano nawala si Ibarra sa Isla at saka bago siya naglaho ay nakausap ko pa siya... 'oh Ibarra saan ka pupunta'... pero hindi niya ako pinansin basta dire- diretso lang siya sa may batuhan na parang tulala at nawawala sa sarili." napangisi si Lyndon sa tinurang iyon ni Dandred.
" Nasobrahan niya siguro ang paghitit ng m*******a, itong si Felmer kasi eh inalok alok pa niya si Ibarra eh first time palang makatikim ng ganun hayun nag feeling superman." doon lalong naintindihan ni Dandred kung bakit mas pinili nilang huwag nang ipaalam sa mga awtoridad ang nangyari kay Ibarra.
" Kayo nga ni Ruth ang nagpilit sa kanya eh, sabi mo pa para lumakas ang loob niya na gawin ang isang bagay na hindi niya kayang gawin ng nasa normal na pagiisip. Ang tinutukoy ko ay ang pagpapagamit niya kay Christian kapalit ng malaking halaga." naging mas open si Felmer ng mga sandaling iyon at wala siyang pakialam kung malaman man iyon ni Dandred.
" So isa sa naging malaking factor ng pagkawala ni Ibarra sa Isla ay ang pagiging lango niya sa m*******a. Pero bakit kayo nagkukunwari na wala kayong alam sa naging pagkilos niya ng mga oras na iyon Lyndon? " nanunumbat ang mga tingin sa kanila ni Dandred.
" Hindi ko gustong mapahamak siya, at isa pa hindi ko rin talaga alam kung saan na siya nagpunta ng matapos kaming kumuha ng mga tuyong m*******a ni Felmer. " sinang ayunan naman iyon ni Felmer. Ipinaliwanag niya kay Dandred na habang abala sila nina Lyndon at Ruth sa pagkolekta ng mga tuyong dahon ng m*******a ay umalis sa tabi nila si Ibarra at inisip nilang baka pinuntahan nito si Christian.
" Kayong tatlo kung ganun ang may kasalanan sa pagkawala ni Ibarra at idinamay niyo pa kami sa mga ginawa niyo kapalit lamang ng mga damong ito. " pagalit na nasabi ni Dandred sabay balibag sa isang plastic ng tuyong dahon ng m*******a.
" Tangina naman oh, akala mo naman kung sinong malinis ito " galit na sabi ni Felmer habang pinupulot isa isang ang natapon na mga dahon.
" Sige mauuna na ako sa inyo, pero ito lang ang masasabi ko kung sakaling may hindi magandang mangyari sa atin ay walang ibang sisisihin kundi kayong tatlo." pagalit na sabi ni Dandred at tuluyang nilisan ang bar at naglakad palayo sa lugar. Nadaanan ni Dandred ang isang maliit na eskinita papunta sa may paradahan ng taxi, habang nasa isip parin nito ang posibleng sinapit ni Ibarra ng gabing iyon. Natigil lamang sa paglalakad si Dandred ng mapansin niyang tila may sumusunod sa kanyang likuran na dalawang nilalang na ang kanilang mga anino ay nagsasayaw sa ilalim ng mahinang liwanag ng street lights na tumatama sa mga pader. Sa tuwing titigil si Dandred ay parang may mga isip din ang mga anino na tumitigil din ang mga ito. Nang tangkain naman ni Dandred na tumakbo palayo sa mga aninong nakabuntot sa kanya ay nagmamadali naman silang kumilos para habulin siya.
- Writer
