FRIENDS CLUB NIGHTMARE ( MOTIBO 4 )

Chapter 10 " THE ACCIDENT "

Nagkaroon ng hindi inaasahang takot sa kanyang dibdib si Dandred na noon lamang niya naramdaman at pakiramdam niya ay nasa panganib ang kanyang buhay. Dahil sa medyo madilim ang eskinita na kanyang dinaanan ay lalo itong nakadagdag sa takot na kanyang nararamdaman. Halos hindi na lumalapat sa sahig ng pathway ang kanyang paa dahil sa bilis ng kanyang pagtakbo habang palingon lingon sa kanyang likuran na para bang nauulinigan niya ang mga yabag ng mga paa ng humahabol sa kanya. Epekto ba iyon ng m*******a na kanyang ginamit kanina? nagtatanong si Dandred sa kanyang sarili at sa bilis ng kanyang pagtakbo ay halos hindi na niya namalayan ang isang motorsiklo na mabilis na papunta rin sa kanyang kinaroroonan. Huli na ng mapansin ng driver ng motorsiklo ang mabilis na pagtakbo ni Dandred buhat sa medyo dimlight na Lugar. Sa lakas ng impact ng pagkakahagip ni Dandred sa motorsiklo ay tumilapon ito sa isang bahagi ng kalsada. Maging ang motor at ang driver nito ay sumadsad din sa ibang bahagi ng Alley. Wala namang gaanong pinsala ang motorsiklo at nagawa ring makabangon ng driver. Agad niyang ibínangon ang kanyang motorsiklo at matapos niya itong ipuwesto sa gilid ng kalsada ay kaagad niyang dinaluhan si Dandred sa di kalayuan upang tignan ang kanyang kalagayan. Nawalan ng malay si Dandred kung kaya't minabuti ng driver na tawagan ang mga kasamahan niyang riders na tumawag ng tulong sa mga kinauukulan. Wala pang 20 minuto ay kaagad na dinala ang walang malay na si Dandred sa pinakamalapit na hospital. Naiwan naman sa pinangyarihan ng aksidente ang nakabanggang driver para sa kaukulang mga pagsisiyasat sa totoong sanhi ng aksidente.

Past 9:00 o'clock AM na ng magising si Dandred sa Hospital na pinagdalhan sa kanya. Naroon sa tabi niya ang kanyang Ina at Ang kanyang nagiisang Kapatid na babae at alalang alala sa kanya.

" Ma what's happen? " tanong ni Dandred pagkakita sa kanyang Ina at Kapatid. Pinagsikapan niyang tumayo buhat sa kanyang pagkakahiga pero pinigilan siya ng kanyang Ina.

" Huwag ka munang bumangon dahil baka makasama sa iyo." may pag-aalala ng nasabi sa kanya ni Mrs. Nerison. Nakaramdam nga ng pagkahilo sa Dandred pagkatapos ng pag attempt nitong bumangon. Eksakto namang pagpasok ni Doctor Alvares na siyang umasikaso sa kanya. May kasama itong nurse at may dalang mga gamot na siyang ibibigay sa kanya. Tinignan ng nurse ang dextrose na nakakabit sa kanyang kamay.

" Mabuti naman at nagising kana, so kumusta na ang pakiramdaman mo ngayon? nahihilo ka pa ba?" sunod sunod na tanong ni Doctor Alvares.

" medyo kumikirot parin yung part ng ulo ko doc." mahinang sabi ni Dandred habang itinuturo ng kanyang kanang kamay ang part ng kanyang ulo na sumasakit.

" Don't worry iho, ayon sa medical results ng isinagawang Citi Scan sayo ay wala namang na damaged sa iyong bungo. Intact parin ito at nagkaroon lamang ng blood clot sa outer shell ng iyong skull. Pero I assure you there's nothing to worry about after certain days ay babalik din sa normal ang pakiramdam mo. Regarding naman sa mga pasa mo sa katawan ay hindi naman ito gaanong delikado aside sa mga minor bruises at sugat na kinailangang tahiin ay okay lang naman, no broken bones lahat ay nasa maayos na kalagayan. " nakangiting pagbabalita ni Doctor Alvares na ikinatuwa ng kanyang Ina at maging ng kanyang ate Mariz.

" Well excuse me Mrs. Nerison, puwede ba kitang makausap sandali sa aking opisina mayroon lamang akong mahalagang gustong i- discuss sayo. " nagpaunlak naman si Mrs. Nerison sa paanyaya sa kanya ng Doktor. Naiwan naman sa loob ng silid ang mag ate.

" Oh hayan ha, next time kasi huwag kanang masyadong pupunta kung saan saan lalo na pag alanganin na ang oras para hindi na maulit pa ang disgrasiyang inabot mo ngayon. Mabuti nalang at mababait naman ang grupo ng mga riders na nakabangga sayo at ipinagmalasakit kang dalhin ka nila dito. Hindi narin tayo magsasampa ng kaukulang kaso dahil pareho naman kayong may mali at nangako naman sila na tutulong sa mga gagastusin dito sa Hospital hanggang Ikaw ay lubusang gumaling " paliwanag ng kanyang ate Mariz.

" Mrs. Nerison, I'm just concern about the condition of your son, bagamat ala naman tayong gaanong prublema tungkol sa kanyang kalusugan ngayon dulot ng nangyaring aksidente ay kailangan ko paring sabihin ito sayo. As a parents myself ay kailangan nating gabayan ang ating mga anak. To tell you honestly, ayon sa aking naging pagsusuri kay Dandred ay nakitaan ko siya ng tinatawag na THC sa kanyang dugo at Ihi. Ang THC o ang tinatawag na Tetrahydrocannabinol, ay ang pangunahing psychoactive na sangkap sa c******s na nagdudulot ng mga epekto sa isip at katawan ng isang tao, kabilang ng pagkakaroon ng pakiramdam ng "high" o euphoria." tahimik lamang na nakikinig si Mrs. Nerison.

" Hindi ko sinasabi ito sa inyo madam upang sa hangarin na kayo ay ipahiya kundi upang maagapan ang mas lalong panganib nito. Hindi ko rin alam kung itoy madalas na ginagawa ng inyong anak ang paggamit ng isang common drugs na ito na tinatawag na m*******a. Kaya ko ito sinasabi sa iyo para maagapan na huwag na itong lumala pa sa hinaharap na panahon at ibinibigay ko na po ito sa inyong mga paggabay para sa ikaaayos ng inyong anak. " full of concern na pahayag ni doctor Alvarez. Nagtapos ang kanilang paguusap sa isang maayos at mahigpit na pakikipag kamay.

Pagsapit ng hapon ay isa isang dumating ang bawat miyembro ng FRIENDS CLUB upang bisitahin si Dandred. Binigyan naman ng mag inang Nerison ang kanyang mga kaklase at kaibigan na makausap si Dandred ng masinsinan.

" kumusta na pakiramdam mo Dandred ano ba kasi ang nangyari sayo? " si Ruth ang unang naglakas ng loob na nagtanong. Tahimik lamang na nakikinig ang lahat at hinihintay na ibuka ni Dandred ang kanyang bibig. Nang hindi kaagad kumibo si Dandred ay nagsalita naman si Christian.

" Uy huwag muna natin siyang tanungin ng kung ano ano, o eto Dandred kumain ka muna nitong dala kong grapes para mas lalo kang lumakas, eto may orange din at apples ano gusto mo at ipagbabalat kita." nakangiting sabi ni Christian. Pero seryoso parin ang mukha ni Dandred at pagkatapos ay napasulyap siya sa dalawang magkatabing sina Felmer at Lyndon. Hindi naman makatingin ng diretso sa kanya si Felmer dahil batid niyang silang tatlo nina Lyndon ang huling magkakasama ng mangyari ang insidente. Kaagad namang binawi ni Dandred ang tingin sa dalawa ng maramdaman niyang tila umikot ang pag inog ng mundo dahil sa sobrang katahimikan.

" Aksidente lang talaga ang nangyari sa akin, hindi kasi ako masyadong nagiingat

mabuti na nga lang at hindi ako napuruhan. " mahinang sabi ni Dandred habang hinihimas nito Ang kanyang batok.

" Eh Diba kayong tatlo nila Lyndon at Felmer ang naiwan noon sa bar eh bakit kasi hindi mo nalang sila hinintay para sabay sabay na kayong umuwi, mahirap kasi yung mag-isa kang naglalakad sa mga eskinita lalot sa mga alanganing oras. " sabad naman ni Inez. Nakatawag naman sa pansin ng mga naroon ang sinabing iyon ni Inez. Napatingin sila sa dalawang magkatabi na sina Lyndon at Felmer.

" Oh bat ganyan naman ang tingin niyo sa amin? siyempre hindi rin namin gustong mangyari kay Dandred ang sinapit niya, it's so happen na gusto na niyang umuwi ng time na yun kaya wala kaming magagawa ni Felmer, pero kung alam lang namin na may mayangyayaring masama sa kanya eh di sana pinigilan namin siya. " depensa naman ni Lyndon.

Habang nagsasalita si Lyndon ay pinagmamasdan lamang sila ni Dandred at hindi niya mapigilan ang kanyang isip na magkaroon ng doubt sa dalawa at iniisip niyang baka silang dalawa ni Felmer ang nakita niyang anino na humahabol sa kanya.