Chapter 28
3rd POV
Natanaw ni Patricia si Mang Gorio at Jason, na pauwi na rito sa bahay nila. Nakita niya na akay-akay ni Mang Gorio si Jason. Alam na ni Patricia na lasing ito.
"Ayan na ang asawa mo. Mukhang hindi na makalakad sa sobrang kalasingan," sabi pa ni Danica kay Patricia.
"Mag-iinit muna ako ng tubig," tipid na sabi ni Patricia kay Danica. Nagtungo ito sa dapugan at kinuha ang initan ng tubig saka nilagyan niya iyon ng tubig. Pagkatapos ay isinalang niya iyon sa apoy.
"Patricia, baka masaktan ka na naman ni Jason. Lalo na at lasing siya, mabuti pa roon ka muna sa bahay," pangungumbinsi ni Danica sa kaniya.
"Alam mo naman na hindi ko pwedeng iwanan si Jason, lalo na at lasing siya. Kailangan ko siyang alagaan," sagot naman niya kay Danica.
"Hay, nako ewan ko sa'yo! Baha
