HINDI ALAM ni Liza kung saan magsisimula para kausapin si Mike tungkol sa napa-usapan nila ng Mama nito. Gusto niyang makatulong pero higit na nanaig sa kanya ang kagustuhang malaman kung bakit ito namuhi ng sobra sa kapatid. Hindi siya mapakali habang hinihintay si Mike. Niyaya siya nitong kumain sa labas dahil wala siyang pasok. Kumabog ang dibdib niya nang marinig niya ang busina ng sasakyan ng lalaki. Pamilyar na sa kanya ang busina ng sasakyan ni Mike. Kanina pa siya bihis habang hinihintay ang lalaki.
Agad niyang hinalikan sa noo si Miggy bago lumabas ng bahay. Sumenyas din siya kay Yaya Sheila bago tuluyang umalis.
Napangiti siya ng makita ang nobyo. Kaagad siya nitong kinantilan ng halik at inakay siya nito sa loob ng sasakyan bago siya nilagyan ng seatbelt.
“Ginagawa mo naman a
