HINDI MAIPALIWAG ni Mike ang sayang nakikita niya sa mga mata ng kanyang ina nang ibalita niya dito na opisyal na silang may relasyon ni Liza. Alam ng Mama n’ya na hindi si Liza ang tunay na ina ni Miggy. Pinaliwanag niya dito kung sino ang ina ni Miggy at naintindihan nito ang ginawa ni Liza sa simbahan. Humanga pa nga ito sa babae dahil sa tapang nitong tumutol sa kasal niya. Ang hindi lang alam ng Mama niya na si Miko ang tunay na ama ni Miggy at hindi siya. Hindi niya ‘yon magawang sabihin dahil tiyak na makakarating kay Miko ang ginawa niya.
Hindi niya lubos maisip na mamamahalin niya si Liza. Hindi kasi ito ang babaeng pinangarap niya at lalong iba ito kay Lorren. Tulad nga ng sinabi niya ay hindi niya sinadyang mahalin si Liza dahil isang araw nagising na lang siyang ayaw niya na i
