ISANG GABI pa lang sa bahay nila si Liza ay pakiramdam niya ay isang daang taon n’ya na itong kasama. Malakas ang pakiramdam n’ya na perwisyo ang hatid ng babae sa kanya. Mukhang tatanda s’ya kaagad sa babae. Wala na itong ginawa kundi ang makipagtalp sa kanya.
Oo, ayaw niya pang makasal kay Dyna pero hindi sa ganitong paraan dahil kahit papano ay may halaga rin si Dyna sa kanya dahil naging mabuting nobya at kaibigan ito sa kanya. Alam niyang namumuhi sa kanya ngayon si Dyna at hindi n’ya alam kung paano makababawi sa babae. Wala rin siyang balak na magpaliwanag dito kung sino si Liza sa kanyang buhay. Sapat na ang mga nalaman nito sa simbahan upang hindi na siya kulitin nito.
Gusto n’ya sanang tawagan si Dyna pero hindi niya na itinuloy.
Simula sa araw na ito ay magbabago na ang buha
