PAGLABAS ng babaeng nagpakilalang kapatid ni Lorren ay muli siyang natigilan. Hindi n’ya lubos akalain na wala na ang babaeng una niyang minahal. Aminado siyang galit s’ya rito pero hindi n’ya naman hiniling na mamatay ito. Siguro dala lang ng pride kung bakit hindi niya natanggap na ipagpapalit s’ya nito sa kanyang kakambal. Isa pa ay mahal na mahal n’ya si Lorren. Ito lang ang babaeng sineryoso niya.
Hindi niya naikubli ang pagbagsak ng kanyang luha.
Hindi niya mapigilang hindi maalala ang nakaraan nila ni Lorren.
Walang mapagsidlan ang saya sa puso ni Mike nang sagutin s’ya ni Lorren. Nurse si Lorren sa Makati. Naging magkaibigan sila at sa huli ay niligawan n’ya ito. Hindi lingid sa kakambal niyang si Miko na mahal n’ya si Lorren dahil lahat ay sinasabi n’ya sa kapatid. Wala siyang
