NAPANSIN ni Mike na may kausap ang kanyang ina habang nasa garden ito. Nakangiting nilapitan n’ya ito at inakbayan.
“Sino ang kausap mo?” tanong n’ya sa ina.
“Tumawag ang kakambal mo,” wika nito kaya natigilan s’ya. “Namimiss ka na raw n’ya,” dagdag pa nito.
Inalis n’ya ang kanyang kamay mula sa pagkakaakbay sa ina at huminga nang malalim.
“Nabanggit mo ba ang tungkol kay Liza?” tanong niyang bahagyang kinabahan.
“Hindi,” sagot ng kanyang ina kaya nakahinga siya nang maluwag.
“Ayoko na sanang pag-usapan pa ninyo ako ni Miko. Ayoko nang may malaman pa s’ya tungkol sa akin,” wika n’ya sa kanyang ina.
“Kakambal mo si Miko anak. Iisang pamilya lang tayo.”
“Siya ang nakalimot na pamilya tayo. S’ya ang lumayo. Siya ang sumira sa ating pamilya. Sarili lamang n'ya ang kanyang iniisip,” wik
