HINDI MAPIGILANG hindi sulyapan ni Mike si Liza. Tahimik ito habang nasa sasakyan sila. Hindi niya mapigilang hindi magtaka. Gustuhin niya man na tanungin ito ay hindi n’ya magawa. Ang totoo ay gusto n’ya lang gamitin ang babae pero sa tuwing na nakakasama niya ito ay iba ang kanyang nararamdaman. Dinadala siya ni Liza sa mundo nito. Kapag kasama niya ito ay gusto niyang masaya lamang silang dalawa. Walang ibang iniisip kundi sila lamang.
Ginagawa siyang ibang tao ni Liza. Kung minsan nga ay hindi niya na kilala ang kanyang sarili.
Ginagap niya ang palad nito at pinisil.
“Nagugutom ka ba?” malambing niyang tanong sa babae.
Ngumiti sa kanya si Liza. Ang simpleng ngiti nito ang nagpapalakas sa t***k ng kanyang puso.
“Kumain ako sa bahay,” sagot ni Liza sa kanya.
“Oo nga pala. Nakalimut
