NAPAKUNOT ANG NOO ni Mike nang makita kung sino ang kanilang bisita. Walang iba kundi si Jared. Para itong hari na nakaupo sa kanilang sofa. Ano pa nga ba ang inaasahan niya sa ampon ng kanyang abuela? Masyadong mataas ang tingin nito sa sarili simula nang ibigay ng kanyang abuela ang alyedong Salazar kay Jared. Kung umasta ito ay akala mo ay tagapagmana ng Salazar samantalang umaasa lamang ito sa kanyang Lolo at Lola.
“Anong ginagawa mo dito?” tanong niya kay Jared.
“Binibisita ko lang si Mama at Papa,” wika ni Jared sa kanya.
“Mabuti naman sila lalo pa at nasa bahay namin sila. Wala kang dapat na ipag-alala,” wika niya sa lalaki na umupo sa harapan nito. Kahit kailan ay hindi niya nakasundo si Jared. Ito ang ampon na hindi nilagagay sa lugar ang sarili. Tinalo pa ang kadugo kung umas
