Naglaho Part One
TULAD nang dating ginawa ni Yuan Lee sa buhay ko parang bulang naglaho siya. Katulad nang sabi niya noong gabing iyon hindi ko na nga siya nakita pa. Tila isang bagyong dumaan lang siya na sinaglitan lang ako para iwanang wasak at duguan ang puso.
Emz lang.
Saglit ko lang in-emote ang pagkawala niya.
Talaga ba?
Pangongontra ng isang bahagi ng isip ko. Hindi naman ako pusong bato, sa lahat ng lalaking dumaan sa buhay ko sa hindi ko malamang dahilan si Yuan Lee lang yata ang talagang nakapasok sa puso ko. Iyon bang maraming nagpakilig sa ‘yo pero hanggang doon lang.
Kilig.
The rest siguro pinilit na lang ng puso kong mahalin sila dahil inisip kong sila ang makakaahon sa putik na kinakalagyan ko.
Burahin mo na sa isip mo ang hayop na lalaking ‘yon, Sanya…
“San nama
