KABANATA 6
New place
BANAS na banas akong bumangon sa magkakasunod na katok na gumambala sa nahihimbing kong tulog. Simangot akong tumayo mula sa sofa kung saan ako nakatulog kaninang madaling araw pagkatapos kong lumaklak ng beer makatulong lang para mawalan na ako ng malay dahil ilang araw na akong kulang sa tulog.
Kahit gaano ko pagod pagdating galing sa club, pag-uwi ng bahay ko gising na gising naman ang diwa ko.
“Punyeta!” ngiwi kong sigaw nang muntik pa akong matalisod sa basyo ng bote na hindi ko napansin na nakaharang sa dadaanan ko.
“Kung sino ka mang hayup ka—”
Natigil ako sa pagsasalita nang bumungad sa akin ang landlord kong taas na taas ang kilay sa akin.
“Sinong hayop Sanya?”
“Wala ho. Anong atin Miss Sisiw—este Miss Susie?”
Tumikhim ang landlord kong hindi halata
