Roxanne
"Claude."
Napalingon kaming bigla sa tumawag kay Claude.
At biglang naging triple ang kaba sa dibdib ko nang lumabas na rin mula sa dining room na 'yon ang pamilya niya.
Bigla akong napaatras at sumiksik sa tabi ni Claude. Pamilyar sa akin ang mukha ng isang matangkad at guwapong lalaking may buhat ngayon na bata. Malaki ang pagkakahawig niya kay Claude.
Kung hindi ako nagkakamali ay siya 'yong lalaking umalalay sa amin ni Crystal sa simbahan noong tabigin kami ni Athena. At siya rin 'yong pumigil kay Claude sa paghabol sa amin.
"Kuya."
Napalingon ako kay Claude sa sinambit niyang 'yon.
Kuya? Ang ibig sabihin ay ito ang panganay niyang kapatid na tinutukoy niya sa akin? Ang kuya Charlie niya.
Napatingin din ako sa nakangiting babaeng nasa tabi nito. May lampin pa na naka
