Roxanne
Napahilamos na lang ako sa mukha ko habang pinagmamasdan ang mga nagkalat na naming mga damit ni Crystal sa sahig.
"Nanay, sakit po muka mo?" may pag-aalalang tanong sa akin ng aking anak habang nakatingala sa akin.
"Hindi, anak. Okay lang si nanay." Kaagad kong hinagod ang braso at likod niya dahil patuloy pa rin siya sa paghikbi niya habang nakatitig sa akin. "Tulungan mo na lang si nanay magligpit ng mga damit natin."
"Opo!"
Ibinaba ko sa ibabaw ng durabox ang hawak kong tinidor. Mabuti na lang at hindi nakita ni Claude ang bag ko sa ilalim ng kama namin.
Sinimulang damputin ni Crystal ang mga damit namin sa sahig.
"Ipatong mo lang muna dito, anak sa kama natin."
"Ate Roxanne, tutulungan na kita. Ako na ang mag-aayos ng mga damit niyo."
Napalingon ako kay Olga na ngayo
