Roxanne
Sumakay ako ng jeep patungong Cubao bago naman ako sumakay ng bus sa Cubao patungong Alabang. Hindi na lang muna ako nagpa-load upang hindi na mabawasan pa ang pera ko.
Alas dos na ng hapon nang makarating ako ng Alabang. Pagdating doon ay saka ako sumakay ng jeep patungong Laguna.
Bumaba ako sa simbahan kung saan ginanap ang naputol na kasal ni Claude at Athena.
Napatanaw ako sa simbahan sa loob ng malawak na bakuran. Tahimik at sarado ang pinto nito. Wala din akong makitang guwardya sa gate pero may natanaw akong lalaking abala sa panunungkit ng mangga sa mga punong nasa loob.
Kaagad akong lumapit sa gate. Bahagyang nakabukas naman ang maliit na pinto nito kaya madali lang akong nakapasok sa loob.
Napalingon sa akin ang lalaki ngunit hindi naman ako pinuna. Bumalik din siya
