“I will do this, pa. And you’ll be proud of me.”
“I am proud of you.”
“I know, Pa.” Pero ang ibig niyang sabihin ay ang karangalang mag-aangat sa kanya bilang isang magaling na reporter. At least doon ay hindi na siya basta-bastang masasabihan ng masama ni Alyssa.
“Sige po, pa. Hindi na po ako magtatagal,” paalam niya rito.
“Si Donnie, wag mo siyang pabayaan ha?”
“Opo, Papa. Ako na ang bahala sa kanya.”
Naging maayos ang pag-uusap nilang mag-ama. Kahit pa pinagbawalan na siya ay alam naman nitong hindi siya titigil. Magkatulad nga raw siya at ng kanyang namayapang Mama Betty. Parehong matigas ang ulo.
Sa kakahanap kay Donnie ay natagpuan nalang niya ang sariling kaharap si Morgana. Hinabol pala siya nito nang makita siya.
“Ate Mariz!” tawag nito sa kanya sabay yakap. At least man
