Tumigil sa isang malaking mansyon ang motorsiklo ni Lyon. Doon mismo sa entrada ng gate kung saan dumadaan ang mga bisita. At walang pakialam si Mariz. Ang gusto lang niya ay ang makapunta at samahan ang kapatid na kanina pa tawag nang tawag sa kanya.
“Kaninong bahay ‘to?” tanong kay Mariz ni Lyon. Bakas sa mukha ng lalaki ang pagtataka.
Nag-ayos ng sarili si Mariz habang nakaharap kay Lyon. Pero imbes na sa mukha niya tumingin ang lalaki ay dumaan muna ang mga mata nito sa kanyang katawan. Hindi tanga si Mariz para hindi makita iyon. Lyon is admiring her in that dress. Hindi rin naman niya ito masisisi. Bagay sa kanya ang damit kahit na hindi pa niya ang gusto ng kulay niyon.
“Tama na ‘yang titig. Oo, na. Sexy na ako,” saway niya sa lalaki. Kung para sa ibang mga babae na nababastusan
