DARREN:
NANGUNOTNOO ako na makapang mag-isa na lang ako sa kama. Kahit inaantok pa ay napadilat ako ng mga mata at naniningkit na naigala ang paningin.
"Nay?" pagtawag ko kay Nanay na makitang mag-isa na nga lang ako sa kama.
Naupo ako na naisandal ang katawan sa headboard. Imposible namang imahinasyon ko lang ang mga nangyari kagabi. Damang-dama ko siya at alam kong totoo iyon.
Napanguso ako na ilang minutong nakatulala. Nagalit na naman kaya siya na may namagitan sa amin? Nauna na kaya siyang umuwi ng mansion? O baka naman. . . .
"Fvck! Baka naman umalis na siya!?" bulalas ko na nagising ang inaantok kong diwa.
Patakbo akong pumasok ng banyo at mabilis na naligo. Muli ko ring isinuot ang damit ko kagabi at nagmamadaling lumabas ng silid. Hinugot ko ang cellphone ko na kaagad tin
