THIRD PERSON POV:
LIHIM na nagdidiwang sa isipan si Kelsey na dinala sila ni Darren sa unit nito. Isa sa mga kilalang condominium sa syudad. Halos hindi nito bitawan si Jarren na siya na ang umaasikaso. Mula sa pagkarga dito paakyat ng unit, pagpunas at bihis dito ay si Darren ang gumawa na ingat na ingat hwag magising si Jarren.
Naupo ito sa gilid ng kama na marahang hinaplos sa ulo si Jarren. Bakas ang kakaibang kinang sa mga mata nito na nakatitig sa anak nitong nahihimbing. Ngayon ay mas nauunawaan na niya ang mga kapatid niya na todo asikaso sa mga anak nila kahit pagod sila sa trabaho.
"Uhm, paano nga pala ang mga gamit namin, Darren?" tanong ni Kelsey na ikinalingon sa kanya ni Darren.
"Uhm, ako ng bahala sa mga gamit niyo, lalo na sa mga gamit ni Jarren. Dalhin mo lang ang m
