ANNIKA
ALAS otso na ng gabi nang makauwi ako mula sa branch namin sa Cavite. Ang dalawang branch namin doon ang binisita ko kaya ginabi na ako.
Matapos kong maiparada sa garahe namin ang sasakyan ko ay bumaba na ako. Gamit ang duplicate key na lagi kong dala, binuksan ko ang pinto at pumasok. Maliwanag na sala ang bumungad sa akin.
"Nakalimutan ba ni Mama na patayin ang ilaw?" Naisatinig ko.
Kapag ganitong oras kasi ay malamang natutulog na sila ni Papa. Nakasanayan na kasi nila na maagang matulog lalo na kung wala namang lakad at nandito lang din naman sa bahay.
Pinatay ko ang switch ng ilaw, saka dumiretso sa kuwarto ko. Naligo ako at nagpalit ng damit pangtulog ko. Pagkatapos kong tuyuin ang buhok ko ay nahiga na ako. Dahil sa pagod ay mabilis akong iginupo ng antok.
Ngunit h
