Gabi na ngunit marami pa ring pailaw sa labas ng mall. Sa tingin ni Oly ay may magaganap na concert sa labas nito. Sobrang daming tao sa paligid, marami rin kumikisap na mga ilaw at may malaking binubuong stage sa gawing gitna ng mall.
Namamangha si Oly, ngayon na lang ulit siya nakapunta sa mall nang ganitong oras. Parang ang magical ng dating, tapos may kasama pa siyang gwapo. Kulang na lang ay tawagin nila 'tong date.
Taka niyang tinignan si Kade nang bumalik ito ng kotse. "Anong ginagawa mo?" hindi mapigilang tanong ni Oly habang inuusisa ang binata.
Mula sa compartment kumuha si Kade ng sumbrero at facemask. Tinanggal niya rin ang suot niyang formal jacket at pinalitan ng maluwag at tila ba pang-baseball na damit.
"Wow," bigkas ni Oly sa mahinang paraan habang nakatitig sa kabuua
