Tulad ng pinangako ni Oly, pumuslit siya para lumabas nang makatulog si Kade. Pumunta siya ulit sa malapit na convenience store at bumili ng dalawang pagkain. Isa para sa kanya at ang isa naman ay para sa lolo ni Kade.
Matiyaga niyang hinintay ang matanda sa playground ngunit hindi ito dumating. Halos maga-alas dose na ng hating gabi pero wala pa rin ang matanda. Siguro ay biro lang nito ang sinabing babalikan siya nito araw-araw sa playground. Gusto niya sanang kuhanin ang loob nito para kay Kade pero bigo siya.
Sawi siyang sumubo ng biniling mga pagkain. Nilapag niya ang ilan sa katabing duyan habang patuloy na naghihintay sa wala.
Natigilan sa pagkain si Oly nang matanaw ang isang lalaki. Kung hindi siya nagkakamali, si Kade 'yon na nakasuot ng sumbrero at facemask. Hindi ito papunta
