"Anong nangyari? Nakapasa ka ba?" Huminto si Oly sa pagpasok ng apartment. Tinignan niya si Kade na kanina pa tahimik mula noong sunduin sila nito. Para itong walang energy, sa bawat tingin, sa bawat paggalaw at sa bawat pagbuntong hininga. Nag-aalala na si Oly dahil sa nangyayari kay Kade. Dahil sa kanya, pati ang binata ay nadamay sa ganitong buhay.
"Hindi," mabagal at payukong sagot ni Kade. Agad na nalingon sa kanya si Oly. Inayos ni Kade ang kanyang mukha saka pinilit na ngumiti para hindi na mag-alala pa ang dalaga. "But it's fine. Ayoko naman talaga sa company nila. Masyadong maliit para pasukan ko."
Hindi na umimik si Timmy. Nailing-iling na lang siya habang nakasunod sa dalawa.
Pagkapasok sa apartment, naghiwa-hiwalay na sila ng landas. Pumasok sina Herl at Timmy sa sariling k
