Hindi maiwasan ni Oly na mapasulyap sa kasama. Kanina pa kasi diretso ang tingin ni Kade sa daan at hindi man lang kumikibo. Pakiramdam niya ay galit ito sa kanya. Naaartehan na siguro. Hindi alam ni Oly kung bakit siya nakokonsensya, katawan niya pa rin naman 'yon at may karapatan siyang tumanggi. Saka isa pa, sino ba si Kade sa buhay niya? Kakikilala pa lang naman nilang dalawa.
Nang dumating sila ay laking gulat ni Oly nang kumaripas sa pagtakbo si Herl palapit sa kanya. Umiiyak ito at may mga pulis sa likuran. Mabuti na lamang at nang lingonin niya si Kade ay nagsusuot na ito ng mask at sombrero.
"Saan ka ba galing?! Kagabi pa kita hinahanap!" bungad nitong sigaw.
"Bakit ka umiiyak?" Tumingin si Oly sa mga pulis at kay Timmy.
"Akala ko napahamak ka na. Hindi ko talaga mapapatawad a
