"Pagod na pagod?" Pagpansin ni Herl kay Oly na kauuwi lang. Dumiretso agad ito sa kwarto at nahiga. "Hoy, bruha? Anong balita?" Sumunod si Herl at umupo sa kama ni Oly.
"Okay naman, hanggang ngayon hindi siya nagte-text," nakahigang sagot ni Oly, mahina at problemado.
"Ang tinatanong ko, 'yung pag-uwi mo. Hindi si Sir Kade."
Umupo si Oly at tinitigan si Herl. "Gusto talaga nilang maging kami ni Val or else mawawalan ako ng pamilya. Herl, sila na lang ang pamilya ko."
"Nakita mo rin ba si Val?"
Mabagal na tumango si Oly kasabay ng pagbuntong hininga. Naging maayos naman ang pagkikita nila. Hindi niya ito nakitaan ng galit kahit na napahiya ito noong nakaraan na para bang okay lang sa kanya ang nangyari basta't hindi niya ito layuan.
"Anong balita?"
Natauhan si Oly at muling napatingi
