"Masaya akong mayroon nang naipakilala si Enrico sa atin, asawa ko. Subalit kasabay ng ligayang iyan ay may kabang lumukob sa akin," malungkot na wika ni Christine Joy kay Garrette.
"Kailangang makausap natin si Enrico bago siya makabalik ng Madrid lalo at dalawang linggo lang pala ang bakasyon niya. Hindi maaring magkasakitan sila ng pamangkin natin at mas lalong ayaw kong may uusbong na hindi pagkakaunawaan ang pamilya dahil sa pag-ibig. It's not acceptable. "
Napailing-iling si Garrette dahil sa kaisipang magkaribal ang pamangkin at anak niya.
"Kaya nga asawa ko. I like her dahil halatang may manners, magalang sa atin. Hindi naman ako tumitingin sa panlabas na kaanyuan ng mapapangasawa ng mga anak natin. Subalit hindi maipagkakamaling magandang babae si Rizza. Idagdag pa ang pagiging
