-=Rebecca's Point of View=-
Sa wakas! Dumating na din ang araw ng "The Hunt for Big Fish" ni Rhodora, ngayong araw na kasi gaganapin ang malaking event sa Campbel Telecom, at balita kong madaming mga sikat na personalidad ang dadalo.
Mula sa showbiz, politics, businessmen, sports at kung sino-sino pa kaya nga hindi nakakapagtaka na bago pa man dumating ang araw na ito ay makailang beses na kaming pinaalalahanan ni Ma'am May na huwag na huwag kaming papalpak, at mas lalong huwag naming ipahiya ang agency.
"Bakit lagi kayong nakatingin sa akin," pagrereklamo ni Rhodora, dahil hindi naman tinatago ni Ma'am May na kay Rhodora ito mas nag-aalala.
Sa amin kasing lahat na tauhan ni Ma'am May si Rhodora ang masasabing pasaway, pero hindi naman sobra, saktong pasaway lang naman siya.
Maaga ako
