Noong una, hirap na hirap siyang mag adjust dito sa pamumuhay sa Manila. Hindi sariwa ang hangin, mabaho ang paligid at maingay dahil na rin sa mga taong tila walang pakialam sa mga kapitbahay nila. Kapag may okasyon ay walang sinasanto ang mga ito ingay kung ingay, videoke kung videoke kahit na magdamagan.
Kahit pa may mga pasok sa eskwela o sa trabaho ang mga kapitbahay wala ang mga itong pakialam. Basta ang mahalaga sa mga ito ay mai-celebrate ang okasyon kahit pa makaperwisyo ito ng ibang tao. Kahit sawayin na ang mga ito sige lang, talagang walang mga takot kahit na sitahin na ng mga pulis.
Tapos dahil sa sobra sobra ang pag-iinom ng mga ito, kadalasan ang masayang okasyon ay nauuwi sa matinding away. May nangyari pa ngang insidente na nag-iinuman ang magbabarkada tapos may nangya
