"Kumusta asawa ko ang sitwasyon sa mga nabiktima mo kagabi?" Salubong agad sa kanya ng kanyang mahal na si Corazon.
Talagang inaabangan nito ang pagdating niya wala naman sana siyang balak na magtungo pa sa pinangyarihan ng krimen pero utos 'yun sa kanya ni Corazon. Kailangan daw na mag man-man pa rin siya kung ano na ang plano ng mga kinauukulan. Katulad kasi niya ayaw nitong mabulilyaso ang mga plano nila.
At lalo na ang maisiwalat ang kanilang lihim dahil hindi maaaring mahuli sila ng hindi pa nila nakakasamang muli ang kanilang anak. Ayaw din niyang mapahamak ang kanyang mahal na asawa kaya kahit mahirap ay gagawin niya ang lahat para maalis lamang sa landas nila ang mga hahadlang.
Kung hindi man uuwi ito sa loob ng isang buwan, sa loob ng isang taon at kung ilang taon pa man ang
