Walang nagawa si Zoie kundi ang sundin ang “remedy” ni Alemana upang huwag siyang lumaktaw sa pagkain. Sa mahabang mesa sa dining room nito, may mga candlelights pa sa tanghaling iyon. Tuloy napaisip siya kung natural lang iyon o kaya ay ganito rin ang ginagawa nito sa tuwing mayroon itong babaeng bisita sa mansion.
Hindi pa nga niya pala alam kung may love life na ang lalaking ito. Dapat kayang itanong niya kay Auntie Lerma? Ngunit napapilig siya ng ulo. Baka hindi tama ang gawin niya iyon. Dapat isarili na lang niya ang personal na katanungang iyon. Hindi naman siya natural na tsismosa. Pero naisip niyang siguro magaganda ang tipo nito. He looked like he was that kind of guy. At siguro ay mga tanga lang at iyong tipong nagpapaganda lang dahil mukhang hindi oobra ang mga matatalino rito
