Hindi lumabas ng kaniyang kuwarto si Zoie sa gabing iyon para maghapunan. Alam niyang kumakain nang sabay ang mga tauhan ng lalaki pagkatapos nitong kumain ng sariling hapunan sa dining room. Natatakot siyang baka palayasin siya nito at mapahiya ang kaniyang tiyahin. Kahit gusto man niyang umuwi sa Pilipinas ay batid niyang hindi na iyon pupuwede. Nakapirma na siya ng kontrata.
Napag-isipan na lang niyang simulan na ang pagtatrabaho sa ibinigay sa kaniya ni Alemana, ang tungkol sa pag-design ng bagong program na gusto nito. Iyon ang unang official assignment niya sa rancho. Alam niyang matatapos niya rin iyon nang ilang linggo lang basta’t wala siyang ibang iniisip at naka-focus lang. Simple lang ang mga detalyeng gusto nito base sa mga dokumento na ibinigay nito sa kaniya at alam niyang
