Not okay
Sa isang coffee shop malapit sa Casa de Alpino ipinarada ni Alas ang kotse niya. Tulad ng sabi niya ay hindi nga matao ang lugar. Mas hilig kasi ng mga taga-Isabela na magpunta sa bayan kung nasaan ang plaza na maraming murang bilihin at magandang tambayan.
“Anong gusto mo?” tanong niya nang makaupo na kami.
“Kahit ano.”
“Walang kahit ano sa menu eh,” biro niyang ikinailing ko.
Inilabas ko ang wallet ko at tumayo para umorder. Nagugutom na rin naman ako at nananakam ako sa mga cake na nasa istante.
“Hey, ako na. This is my treat,” pigil niya sa akin.
“May pera naman ako, kahapon ikaw na rin ang nagbayad ng kinain natin. Ako naman ngayon,” pagpupumilit ko at hindi na siya binigyan ng tsansa na magprotesta pa. Dumiretso ako sa counter at umorder ng toast para sa kanya. K
