Boyfriend
“GOOD morning?”
Hinihingal na napatingin ako sa tabi ko at napangiwi nang makita ang ngiti ni Alas.
“May problema ba kayo ng kababata mo?” aniyang sinulyapan pa sa side mirror si Thomas na malayo-layo na sa amin.
Napabuga ako ng hangin at umiling-iling. “Nasisiraan na siya ng bait.”
“Huh?”
Nilingon ko si Alas na nagtataka ang tingin na ibinigay sa akin bago muling ibinalik ang atensyon sa pagmamaneho.
Umiling ako. “Wala, n-nag-aasaran lang kami. Ano nga pa lang ginagawa mo sa labas? Kanina ka pa ba roon?”
“Kadadating ko lang halos. Papunta ako sa bayan dahil may kailangan akong bilin at naisipan kong daanan ka since on the way naman ang school.”
“Hindi ka na sana nag-abala pa pero salamat.”
Tantya ko nasa halos dalawang minuto na lang ay nasa school na kami kaya nili
