Ngitngit na ngitngit ang kalooban niya (Silvia) dahil sa nangyari sa loob ng mall. Sa kauna-unahang pagkakataon ay napahiya siya. Ang masaklap pa ay sa isang pampublikong lugar. Bagay na hindi matanggap-tanggap ng kalooban niya.
"Mga pulubing walang asal! Makikita ninyo ang hinahanap n'yo! Hahanapin ko kayong mag-ama upang bigyan ng leksyun. Hindi ang mga tulad ninyo ang maglalagay sa akin sa kahihiyan." Palakad-lakad siya sa harapan ng salamin sa kaniyang kuwarto habang nakakuyom ang mga palad.
Mabuti sana kung hindi sa harapan ng mga kaibigan. Kitang-kita pa niya kung paano nagbago ang hitsura ng mga ito. Halatang minamaliit din siya.
"Isa pa ang babaing iyon! Akala mo'y wala siyang masamang ginagawa. Tsk! Tsk! Eh, ano naman kung iiwas na naman sila sa akin. Dati-rati namang ganoon an
