"Ahh! Kung hindi lang sana ako nagmamadali. Naku baka nasapak ko na ang taong iyon. Siya na yata ang lalaking hindi marunong magbigay-daan sa katulad kong babae ah," hinutok niya.
Hindi niya maunawaan ang sarili na inis na inis siya rito samantalang kung tutuusin ay may kasalanan din siya.
Kagaya naman ng araw-araw niyang pagpasok ang oras niya ng umagang iyon. Kalsada lang din ang pagitan kaso sadya yatang maraming tao sa araw na iyon dahil kahit ang kalsada ay maraming sasakyan. Idagdag pa ang kagaya niyang mahilig maglakad. Punong-puno ang kalsada kaya't lakad takbo ang ginawa niya habang siya'y papalapit sa main entrance.
"Kahapon, ang lintik na babaing walanghiya ang nakadaupang palad ko, ngayon naman ay ang herodes na walang ladies first policy. Aba'y hindi naman ako mapanlamang s
