"Hello, Miss Agatha," masayang bati ni Noel Frank sa dalaga na papalabas na sana sa layout office.
"Ikaw pala, Sir Noel. Magandang hapon po," magalang din niyang tugon.
"Uuwi ka na ba?" tanong binata.
Talaga namang uuwi na siya. Excited siyang makauwi sa bahay nilang mag-ama. Masaya rin siya dahil may kasama na sila ng Tatay Carlito niya. Alam niyang darating din ang panahon na magkakaayos ang tunay na mag-ina. Kaso itong isa sa kambal ng Boss niya ay may nais sabihin.
"Actually, Sir, yes. Wala akong ibang pinupuntahan pagkatapos ng trabaho ko, kaya't diretso ako ng uwi. Pero bakit pala, Sir? May ipapagawa ka ba? If ever, sabihin mo na para magawa ko na." Tiningnan niya ito. Sa uri ng tingin niya ay halatang nagtataka na kung bakit ito biglang sumulpot.
"Ang bait mo namang anak, Miss
