Ang Alamat ni Prinsipe Malik
AiTenshi
Part 13: Si Prinsipe Caleb 3
Palihim naming binuo ang isang pag aaklas na babago sa takbo ng aming pamumuhay. Ngayon na tamang pag kakataon upang bumangon at lumaban kaya naman hindi na namin binitiwan ang maliit na pag asang ito. Ako hinirang na pinuno ng unyon at ang aking kasamahan na si Gideon naman ang itinalaga ko bilang pangalawang pinuno. Siya ang tumatayong lider sa kanilang nayon bago pa ito sakupin ng mga hukbong dayuhan kaya naman malakas ang kompyansa nitong palayain ang kanyang mga ka nayon na ginawang alipin ni Caleb.
Malakas at matatag ang personalidad ni Gideon, kaya naman hindi ako nag kamali na siya ang kuhanin kong katuwang upang mag tagumpay sa aming misyon ng pag laya laban sa mga dayuhan. Bagamat kaunti lamang ang am
