Lori
Ilang na araw ang lumipas mula nang manyari ang pagkakasira ng gulong ni Nathaniel pero hindi ko man lang siya nakitaan ng takot o pangamba. At hindi rin nababahala si Attorney Linda dito.
Napatango ako sa sarili ko, kung sabagay hindi na ito ang unang beses na magkaroon sila ng kasong ganito dahil tinutulungan nga nila ang mga mahihirap. Hindi rin siguro ito ang unang beses na makatanggap sila ng threat. Kaya sanay na sila.
Pero hindi pa ako sanay. Tumingin ako sa stanteng napasabugan siguro ng limang granada. Hindi pa ako sanay na kahit ilang ulit ko ng ayusin ang mga papel na ito, magulo parin. Nagpakawala ako ng malalim na hininga tsaka ako bumuhat ng mga bundle ng papel.
Tumunog ang cellphone ko kaya naibaba ko ulit ang mga papel sa stante. Dinukot ko ito mula sa bulsa ng pan
