Hindi ko alam kung paano ito nangyari. Natauhan na lang ako nang matapos ko na mapirmahan ang kontratang inabot sa akin ni Sir Ismael. Senyales na pumayag na ako sa inaalok niyang kasal.
"Huh? Eh? What?"
Ito marahil ang pakiramdam ng mga taong nabudol ng isang sindikato. Hindi ako naniniwala noon sa ganitong klase na pamamaraan pero hindi ko akalain na tila mabibiktima ako nito. Iyon nga lang sa lahat lahat ng taong mangbu-budol sa akin ay ang hinahangaan at nirerespeto pang si Ismael Alcazar.
Ano na ba ang nangyayari sa mundong ito di ba?
Gusto ko man bawiin ang pagpirma kong iyon pero alam ko na hindi na iyon magiging madali na. Dahil hindi si Sir Ismael ang tipo ng tao na papayag na bawiin pa ang bagay na napagdesisyunan na. Kaya ang lahat ng kontrata na pinipirmahan niya ay idadaan
